1. 我沒有自由決定何時離開或返回家中
「個女話我無記性，驚我開咗火後唔記得熄，叫我同佢一齊出門，夜晚等佢放工返屋企先可以返入屋。」
2. 我在家中被規限活動範圍
「媳婦話屋企 D 野我無份俾錢，叫我唔好用雪櫃同廚房，佢仲叫我佢係屋企時，我唔好出廳；佢又話驚我寵壞個孫，叫我唔好同個孫傾偈。」
3. 我經常無故被責罵、羞辱和恐嚇
「個仔成日係其他人面前話我『唔死都無用』、『陀衰家』，佢仲成日話要打死我同趕我出街。」
4. 我的身體被人傷害或以暴力對待
「個仔話我煮野唔好食，成日搣我同搵野擲我。」
5. 我的家人對我的生活不聞不問
「我中風後，照顧唔到自己，每日都係靠家居照顧 D 姑娘幫我，個仔同媳婦成年都無來睇過我，連入醫院都無探過我。」
6. 我的金錢被人擅自取用﹕
「我同個侄開咗聯名戶口之後，發覺 D 錢差唔多無哂！」
1. 我經常擲物件發脾氣
「我份工好辛苦，我返到屋企，佢仲問呢樣問嗰樣，搞到我成日都要用嘢擲佢，佢先識停落嚟。」
2. 我對父母不理不睬﹕
「我覺得父母很煩、很長氣、成日問長問短，我經常對佢地嘅查詢不瞅不睬。」
3. 我經常出言恐嚇
「叫親佢地都依依哦哦，我唯有同佢地話如果唔幫我，我就『出街唔閂門』。」
4. 我對年長父母沒有定期探望
「我自己有頭家，份工好忙，得閑又要自己抖吓，探佢地？好難喇，我都好想搵人探吓！」
5. 我沒有給家用
「我份糧自己都唔夠使，點可能俾到家用佢地呀，我同佢地住都係咁架喇，屋企雜費、租金同伙食全部佢地自己搞掂架喇！」
6. 我性虐待佢？
「佢中風後就唔識行，仲成日賴尿添，成日幫佢換褲麻煩又辛苦，咪叫佢唔好著囉！」
